కువైట్: ప్రపంచవ్యాప్తంగా కోవిడ్ ఉధృతి తగ్గినప్పటికీ భవిష్యత్ కార్యాచరణలో భాగంగా పలు దేశాలు కోవిడ్ వాక్సినేషన్ కార్యక్రమాలు ఇప్పటికీ నిర్వహిస్తున్నాయి.అందులో భాగంగానే కువైట్ ఆరోగ్య మంత్రిత్వశాఖ సైతం తమ పౌరులకు కోవిడ్ నాలుగో డోస్ ఇవ్వడానికి ప్రయత్నాలు ప్రారంభించింది. 

స్థానిక పత్రికల కథనం ప్రకారం, ఆరోగ్య మంత్రిత్వశాఖ విధి విధానాల ప్రకారం కోవిడ్ నాలుగో డోస్ ను త్వరలోనే అధికారికంగా ప్రకటించనున్నారు.నాలుగో డోస్ ను వేసుకోవాలా వద్దా అనేది పౌరుల నిర్ణయం. అలాగే, మూడో డోస్ సమయంలో అనారోగ్యానికి గురైన వారు మాత్రం వేసుకోవాల్సిన అవసరం లేదని పేర్కొనడం జరిగింది.