యూఏఈ: విదేశీ నిధులు ప్రవాహం కారణంగా మదుపరులు తమ సెంటిమెంట్స్ ను గౌరవిస్తూ పెట్టుబడులు ఉపసంహరణ చేయడంతో అంతర్జాతీయ మార్కెట్ లో రూపాయి విలువ 22 పైసలు క్షీణించి రూ. 78.59 కు చేరుకుంది.  

 మార్కెట్ ప్రారంభ సమయానికి అమెరికన్ డాలర్ (వయా యూఏఈ దిర్హామ్) తో పోలిస్తే రూపాయి మారకం 78.53 వద్ద ఉండగా మార్కెట్ ముగిసే నాటికి 22 పైసలు క్షీణించి 78.59 వద్ద ఆగింది. 

అంతర్జాతీయ మార్కెట్ లో రూపాయి పతనం కావడం గురించి మెహతా ఈక్విటీ లిమిటెడ్ వైస్ ప్రెసిడెంట్ రాహుల్ కలంత్రి మాట్లాడుతూ రష్యా పై మరిన్ని ఆర్థిక ఆంక్షలు విధించడం ద్వారా ప్రపంచవ్యాప్తంగా ఇంధన ధరలు పెరుగుదల మరియు అభివృద్ధి చెందుతున్న దేశాల మార్కెట్ల కరెన్సీ ల పై ఒత్తిడి పెంచేందుకు దోహదపడతాయి. అంతర్జాతీయంగా ఉన్న పరిస్థితులతో పాటుగా దేశీయ మార్కెట్లో ఎఫ్ఐఐ ల నిరంతర విక్రయాలు కూడా రూపాయి పై ఒత్తిడి పెంచుతున్నాయి అని పేర్కొన్నారు. 

ఈ వారం మొత్తం రూపాయి విలువ అస్థిరంగా ఉండటంతో పాటు ప్రస్తుత మారకం స్థాయిని సైతం దాటవచ్చని మేము భావిస్తున్నాం అని రాహుల్ చెప్పారు.