మలయాళ ముద్దుగుమ్మ అమలా పాల్ నిర్మాతగా మారింది. స్వీయ నిర్మాణంలో అమలాపాల్ ఓ సినిమాలో నటించింది. ఆ సినిమా పేరు ‘కడవర్’. మెడికో థ్రిల్లర్ నేపథ్యంలో ఈ సినిమా రూపొందింది.

‘కడవర్’ అంటే ఏంటీ.? డెడ్ బాడీ అని అర్ధమట. అయితే, ఈ సినిమాలో అమలా పాల్ ఏం చేయనుంది.? అంటే అది సినిమా చూస్తే కానీ తెలీదు. అన్నట్లు ఈ సినిమాని ఓటీటీ వేదికగా రిలీజ్ చేయనున్నారట. ప్రముఖ ఓటీటీ ఛానెల్ హాట్ స్టార్ వేదికగా త్వరలోనే ఈ సినిమా రిలీజ్ కానుంది. ఆల్రెడీ రిలీజ్ చేసిన ఈ సినిమా ఫస్ట్ లుక్ పోస్టర్ ఇంట్రెస్టింగ్‌గా వుంది.
ఆ మాటకొస్తే ప్రయోగాలకు పెట్టింది పేరు అమలాపాల్. గతంలో ‘ఆడై’ (తెలుగులో ‘ఆమె’) సినిమాలో నటించి తొలుత వివాదాలు మూట కట్టుకున్నా, సినిమా చూశాకా, అమలాపాల్ సాహసాన్ని అందరూ మెచ్చుకోకుండా వుండలేకపోయారు. 

అలాగని కమర్షియల్ సినిమాలకూ అమలా పాల్ దూరం కాదు. తెలుగులో ‘బెజవాడ’ సినిమాతో ఎంట్రీ ఇచ్చిన అమలా పాల్, ఆ తర్వాత ‘ఇద్దరమ్మాయిలతో’, ‘నాయక్’, ‘లవ్ ఫెయిల్యూర్’ తదితర డిఫరెంట్ చిత్రాల్లో నటించిన సంగతి తెలిసిందే.