యూఏఈ:  ఇస్లామిక్ నూతన సంవత్సరం సందర్భంగా UAEలోని అన్ని ప్రైవేట్ రంగ ఉద్యోగులకు జూలై 30న అధికారిక (పెయిడ్) సెలవును ప్రకటించారు. 2021, 2022లో ప్రభుత్వ,  ప్రైవేట్ రంగాలకు సంబంధించిన అధికారిక సెలవులపై యూఏఈ క్యాబినెట్ జారీ చేసిన డిక్రీకి అనుగుణంగా సెలవును ప్రకటించినట్లు మానవ వనరులు, ఎమిరేటైజేషన్ మంత్రిత్వ శాఖ (MoHRE) తెలిపింది. సౌర వ్యవస్థపై ఆధారపడిన గ్రెగోరియన్ క్యాలండర్ లా కాకుండా.. ఇస్లామిక్ నూతన సంవత్సరం చంద్ర వ్యవస్థపై ఆధారపడి ఉంటుంది. ఇస్లామిక్ క్యాలెండర్‌లో మొహర్రం మొదటి నెల. దీనిని ఇస్లామిక్ న్యూ ఇయర్ - హిజ్రీ న్యూ ఇయర్ లేదా అరబిక్ న్యూ ఇయర్ అని కూడా పిలుస్తారని ఇంటర్నేషనల్ యూనియన్ ఫర్ ఆస్ట్రానమీ అండ్ స్పేస్ సైన్సెస్ సభ్యుడు ఇబ్రహీం అల్ జర్వాన్ తెలిపారు. ప్రవక్త ముహమ్మద్ (స) పుట్టినరోజు సందర్భంగా శనివారం (అక్టోబరు 8న) వస్తుంది. UAE జాతీయ దినోత్సవం సందర్భంగా నాలుగు రోజులపాటు సెలవులు రానున్నాయి.  డిసెంబర్ 1, 2, 3 రోజులు సెలవు దినాలు కాగా.. డిసెంబర్ 4న ఆదివారం కావడంతో వరుసగా నాలుగు రోజులపాటు సెలవులు రానున్నాయి.