సౌదీ: రెండు సంవత్సరాలకు పైగా విరామం తర్వాత  పవిత్ర మక్కాలోని గ్రాండ్ మస్జీదు వద్ద యాత్రికులు పవిత్ర కాబా, హజర్ అల్ అస్వాద్ (నల్ల రాయి) లను తాకే, ముద్దు పెట్టుకునే అవకాశాన్ని కల్పించారు. రెండు పవిత్ర మస్జీదుల వ్యవహారాల జనరల్ ప్రెసిడెన్సీ అధిపతి డాక్టర్ షేక్ అబ్దుల్‌రహ్మాన్ అల్ సుదైస్ ఆదేశాలకు అనుగుణంగా సౌదీ అధికారులు పవిత్ర కాబా చుట్టూ ఉన్న రక్షణ అడ్డంకులను తొలగించారు. పవిత్ర కాబా చుట్టూ ఉన్న అన్ని బారికేడ్లను కార్మికులు తొలగిస్తున్నట్లు చూపించే వీడియోను సౌదీ అధికారులు సోషల్ మీడియాలో పోస్ట్ చేశారు. సౌదీ అరేబియా ఈ ఏడాది ఆగస్టు నుంచి యాత్రికుల కోసం ఉమ్రాను తెరిచింది. గత రెండు సంవత్సరాలుగా COVID-19 మహమ్మారి నేపథ్యంలో సామాజిక దూరాన్ని కొనసాగించడానికి యాత్రికులు పవిత్ర కాబా తాకేందుకు అనుమతించడంలేదు.