బహ్రెయిన్: సోషల్ మీడియా ప్లాట్ఫారమ్లలో మతపరమైన సంకేతాలను కించపరిచే వీడియోలను పోస్ట్ చేసిన ఇద్దరు వ్యక్తుల‌ను పోలీసులు అదుపులోకి తీసుకున్నారు. నిందితుల్లో ఒకరు 17 ఏళ్ల యువకుడని పోలీసులు తెలిపారు. మతాన్ని కించపరిచేలా సామాజిక పోస్ట్లపై సైబర్ క్రైమ్ డిపార్ట్మెంట్ ఇచ్చిన నివేదిక ఆధారంగా విచారణ జరిపిన పోలీసులు.. బాధ్యులైన ఇద్ద‌రిని అరెస్టు చేశారు. నిందితులను గుర్తించి అదుపులోకి తీసుకున్నామని.. విచారణలో నిందితులిద్దరూ తమ నేరాలను అంగీకరించినట్లు పోలీసులు తెలిపారు. మతపరమైన చిహ్నాలను బహిరంగంగా అవమానించినట్లు,  టెలికాం పరికరాలను దుర్వినియోగం చేసినట్లు అనుమానితులు అంగీకరించారని పోలీసులు తెలిపారు.