నిఖిల్ సిద్దార్ధ్, అనుపమా పరమేశ్వరన్ జంటగా రూపొందిన ‘కార్తికేయ 2’ ఇటీవలే ప్రేక్షకుల ముందుకొచ్చి మంచి రన్ టైమ్‌తో సూపర్ హిట్ మౌత్ టాక్‌తో రన్ అవుతోన్న సంగతి తెలిసిందే.
విడుదలైన మూడు రోజుల్లోనే ఈ సినిమా బ్రేక్ ఈవెన్ అయిపోయి లాభాల బాట పట్టేసిందంటూ ట్రేడ్ పండితులు అంచనా వేస్తున్నారు. ఇక వీకెండ్ అయిపోయాకా కూడా ‘కార్తికేయ 2’ తగ్గేదేలే.. అంటున్నాడట. 

యూనిక్ సబ్జెక్ట్ కావడంతో, వీకెండ్‌తో సంబంధం లేకుండానే ప్రేక్షకులు ఎట్రాక్ట్ అవుతున్నారు. చూస్తుంటే, నిఖిల్ ఈ సినిమాతో 50 కోట్ల క్లబ్బులో చేరిపోనున్నాడనీ అంటున్నారు. 
ఇప్పటికే 35 కోట్లకు పైగా కొల్లగొట్టిన ‘కార్తికేయ 2’, జోరు ఇలాగే సాగితే, త్వరలోనే 50 కోట్ల క్లబ్బులో చేరిపోనుందని అంటున్నారు. మొత్తానికి ఎలాగైతేనేం, నిఖిల్ గట్టిగా కొట్టాడు ‘కార్తికేయ 2’తో.

అన్నట్లు సూపర్ హిట్ టాక్ తెచ్చుకున్న ‘బింబిసార’ సినిమాకి మించి ‘కార్తికేయ 2’ మంచి వసూళ్లు కొల్లగొట్టిందన్న టాక్ వినిపిస్తోంది. చందూ మొండేటి దర్శకత్వంలో తెరకెక్కిన ఈ సినిమా, ‘కార్తికేయ’ సినిమాకి సీక్వెల్‌గా రూపొందిన సంగతి తెలిసిందే.