దుబాయ్: 2022 ఆసియా కప్‌ నిర్వహణకు సంబంధించి పూర్తిస్థాయిలో భద్రతా ప్రణాళికను రూపొందించినట్లు దుబాయ్ పోలీసులు తెలిపారు.ఈ మేరకు దుబాయ్ ఈవెంట్స్ సెక్యూరిటీ కమిటీ (ESC) సమన్వయ సమావేశాన్ని నిర్వహించింది. ఆసియా కప్ క్రికెట్ టోర్నమెంట్ కు పూర్తి స్థాయిలో భద్రతను కల్పించనున్నట్లు బ్రిగేడియర్ రషీద్ ఖలీఫా అల్ ఫలాసి తెలిపారు. ఆగస్ట్ 27 - సెప్టెంబర్ 11 మధ్య దుబాయ్ ఇంటర్నేషనల్ క్రికెట్ స్టేడియంలో జరిగే మ్యాచ్‌ల కోసం అల్ ఫలాసి భద్రతా చర్యలను సమీక్షించారు. ఆసియా కప్ 2022లో ఇండియా, శ్రీలంక, పాకిస్తాన్, బంగ్లాదేశ్, ఆఫ్ఘనిస్తాన్, యూఏఈ, కువైట్, హాంకాంగ్ లేదా సింగపూర్ నుండి ఒక క్వాలిఫైయింగ్ జట్లు పాల్గొననున్నాయి.