కువైట్: రెసిడెన్షియల్ ఏరియాల్లో షాప్స్ ను అర్థరాత్రి 12 గంటల లోపే మూసివేయాలన్న నిబంధనను అమలు చేయాలని కువైట్ మున్సిపాలిటీ అధికారులు భావిస్తున్నారు. 215/2009 నాటి తీర్మానం ప్రకారం రెసిడెన్షియల్ ఏరియాల్లో షాప్స్ అర్థరాత్రి 12 తర్వాత తెరిచి ఉంచకూడదు. ఐతే ఇటీవల కాలంలో ఈ నిబంధనను అమలు చేయటంలో లేదు. ఐతే అర్ధరాత్రి 12 తర్వాత కూడా షాప్స్ ఓపెన్ చేసి ఉంచటం కారణంగా ఇబ్బందులు ఎదుర్కొంటున్నట్లు చాలా మంది నుంచి మున్సిపల్ అధికారులు ఫిర్యాదులు వస్తున్నాయి. దీంతో మళ్లీ పాత నిబంధనను అమల్లోకి తెస్తామని అధికారులు చెబుతున్నారు. ఈ నిబంధన అమలైతే రెసిడెన్షియల్ ఏరియాల్లో ఉన్న షాప్స్ అన్ని అర్ధరాత్రి 12 గంటల లోపే మూసివేయాల్సి ఉంటుంది. ఐతే కమర్షియల్ ఏరియాలు, పెద్ద మార్కెట్లలో మాత్రం ఈ నిబంధన వర్తించదు.