బహ్రెయిన్: బహ్రెయిన్ లోని జిద్ధాఫ్ రెసిడెన్షియల్ ఏరియాలో అగ్ని ప్రమాదం జరిగింది. ఓ ఇంట్లో మంటలు చేలరేగాయి. దీంతో చుట్టు పక్కల వారు అప్రమత్తమై అగ్ని మాపక సిబ్బందికి సమాచారం ఇచ్చారు. వెంటనే సంఘటన స్థలానికి చేరుకున్న అగ్నిమాపక సిబ్బంది గంటల వ్యవధిలోనే మంటలను అదుపులోకి తెచ్చారు. మంటల్లో చిక్కుకున్న ఇద్దరు వ్యక్తులను కాపాడారు. వీరిలో ఒకరి కి స్వల్పంగా గాయాలు కావటంతో అతన్ని హాస్పిటల్ లో చేర్పించారు. ఐతే అగ్ని ప్రమాదం జరగటానికి కారణాలు తెలియాల్సి ఉంది. ఒక్కసారిగా పెద్ద ఎత్తున పొగ, మంటలు వ్యాపించటంతో తామంత భయాందోళనకు గురయ్యామని స్థానికులు చెప్పారు. సకాలంలో ఫైర్ సిబ్బంది స్పందించటంతో పెద్ద ప్రమాదం తప్పింది.