ఇంకా ఏదో మిగిలే ఉంది
- April 17, 2016మూల్గుతూ
ఆయాసపడుతూ
పారిపోతున్న గాలి
దారిని కప్పేసిన పొడవైన చీకటి
నిశ్చలనమై
నిదురలోకి జారుకున్న అడుగులు
పసరు మందు పూయలేని లోతుల్లో
ఓ గాయం
పడమటి పొద్దులా వెలుగుతూ
అప్పుడప్పుడు
వినిపించడానికో కనిపించడానికో
నింగి నేల మధ్య ఊగిసలాడుతూ
మొహమాటపడుతున్న కొన్ని నిజాలు
“ఎవరక్కడ?”
ఓ శాసనం ఉరిమినట్లు మెరిసింది
దిక్కులన్నీ ఏకమయ్యాయి !
“ఎవరూ లేరిక్కడ
ఉన్నవాళ్ళు
ఉండాల్సినవాళ్ళు
అందరూ సమాధుల్లోనే
అనుభవించడానికి
ఆస్వాదించడానికి
ఏవీ లేవిక్కడ
అన్నీ సమాధుల్లోనే “
సమాధులింకా బతికే ఉన్నాయి
ఇంకా ఏదో మిగిలే ఉంది !
శిలాఫలకం ఇటువైపే చూస్తోంది !!
--పారువెల్ల (దుబాయ్)
తాజా వార్తలు
- కేరళలో హెపటైటిస్ కలకలం..12 మంది మృతి
- ఏపీ సీఎం జగన్ లండన్కు వెళుతుండగా..గన్నవరం ఎయిర్పోర్టులో కలకలం
- తిరుమలలో రెండోరోజు శ్రీ పద్మావతి పరిణయోత్సవాలు..
- సీఎం రేవంత్ రెడ్డిని కలిసిన టాలీవుడ్ డైరెక్టర్స్
- విద్యార్థుల కోసం 400 స్కాలర్షిప్లు
- క్యాన్సర్పై పోరులో ముందడుగు.. IARCలో చేరిన సౌదీ అరేబియా
- రోడ్డు ప్రమాదంలో ఇద్దరు పోలీసులు మృతి
- ఈ-స్కూటర్లకు ట్రాఫిక్ భద్రతా నియమాలు తప్పనిసరి
- దుబాయ్ నివాసితులు dh3000 అదనపు అద్దె చెల్లించాలా?
- మనామా చేరుకున్న HH సయ్యద్ అసద్