మస్కట్: ప్లాస్టిక్ బ్యాగుల‌ దిగుమ‌తిని ఒమ‌న్ నిషేధించింది.  ఇక‌పై ప్లాస్టిక్ బ్యాగుల‌ దిగుమతి చేసుకునే వారిపై OMR1,000 పరిపాలనాపరమైన జరిమానా విధించబడుతుందిని హెచ్చ‌రించింది. ప్లాస్టిక్ బ్యాగుల దిగుమతిని నిషేధిస్తూ వాణిజ్యం, పరిశ్రమలు, పెట్టుబడి ప్రమోషన్ మంత్రి ఖైస్ మహమ్మద్ అల్ యూసఫ్ ఉత్త‌ర్వుల‌ను(మంత్రివర్గ నిర్ణయం నం. 519/2022 ) జారీ చేశారు. తాజా ఉత్త‌ర్వుల ప్ర‌కారం.. కంపెనీలు, సంస్థ, వ్యక్తులు ప్లాస్టిక్ బ్యాగుల‌ను దిగుమతి చేసుకోవడం నిషేధం. ఉత్త‌ర్వుల నిబంధనలను ఉల్లంఘించే  వారిపై OMR1,000 అడ్మినిస్ట్రేటివ్ జరిమానా విధించబడుతుంది. ఇదే ఉల్లంఘన పునరావృతమైతే జ‌రిమానా రెట్టింపు అవుతుందని అధికారులు తెలిపారు. ప్లాస్టిక్ బ్యాగుల నిషేధ చ‌ట్టం 2023 జనవరి 1 నుంచి అమల్లోకి వస్తుందని మంత్రిత్వ శాఖ ప్ర‌క‌టించింది.