పాకిస్తాన్‌కి చెందిన వలసదారుడికి, ఒకరి జీవితాన్ని కాపాడినందుకుగాను క్రౌన్‌ ప్రిన్స్‌ మొహమ్మద్‌ బిన్‌ నైఫ్‌ నగదు రివార్డును ప్రకటించారు. అసిర్‌ రీజియన్‌లో ఓ వ్యాలీలో ఫహద్‌ అల్‌ ఖహ్తానీ మునిగిపోతుండగా షౌకత్‌ అమీమ్‌ అతన్ని చూశాడు. వరద నీఇలో అల్‌ ఖహతానీ వాహనం మునిగిపోతుండగా, ప్రాణాలకు తెగించి షౌకత్‌ అమిన్‌ అతన్ని కాపాడాడు. అమిన్‌ ధైర్య సాహసాల్ని సివిల్‌ డిఫెన్స్‌ అథారిటీస్‌ కొనియాడాయి. పాకిస్తానీ అంబాసిడర్‌ మనజుర్‌ ఉల్‌ హక్‌ మాట్లాడుతూ పాకిస్తానీ పౌరుడు తన ధైర్య సాహసాలతో వ్యక్తిని కాపాడటం గర్వంగా ఉందని అన్నారు. క్రౌన్‌ ప్రిన్స్‌ అతని ధైర్య సాహసాలకు నగదు రివార్డుని ప్రకటించడం పట్ల హర్షం వ్యక్తం చేశారు హక్‌.