సౌదీ: ఆరోగ్య బీమా పాలసీకి 18 కొత్త ప్రయోజనాలను జోడించినట్లు కౌన్సిల్ ఆఫ్ హెల్త్ ఇన్సూరెన్స్ తెలిపింది. ఊబకాయం ఆపరేషన్లు, మూత్రపిండాల మార్పిడి, మానసిక ఆరోగ్య కవరేజీని SR50,000కి పెంచారు. దీంతోపాటు వ్యాధి నివారణ పరిధిని పెంచడం, ఆరోగ్య ప్రమోషన్, వ్యాధి సమస్యలను తగ్గించడం, లబ్ధిదారుల సామర్థ్యాన్ని మెరుగుపరచడం, సేవల లభ్యత సులువు చేయడం, లబ్ధిదారులకు అదనపు ప్రయోజనాలు కల్పించడం, సేవల్లో నాణ్యత-సామర్థ్యం పెంచడం లాంటి ఏడు ప్రధాన లక్ష్యాలను సాధించడం లక్ష్యంగా బీమా పాలసీని అప్డేట్ చేసినట్లు కౌన్సిల్ పేర్కొంది. అక్టోబర్ 1 నుండి ప్రైవేట్ ఆరోగ్య బీమా పాలసీలకు (జారీ చేయబడిన లేదా పునరుద్ధరించబడిన) కొత్త అప్డేట్ నియమాలు వర్తిస్తాయన్నారు.