యూఏఈ: దుబాయ్‌తో సహా యూఏఈలోని పలు ప్రాంతాల్లో భారీ వర్షాలతోపాటు వడగళ్ళు పడ్డాయని నేషనల్ సెంటర్ ఆఫ్ మెటీరియాలజీ (NCM) తెలిపింది. దుబాయ్‌లోని అల్ ఖుద్రా సరస్సు పరివాహక ప్రాంతాల్లో భారీ వర్షాలు కురిసే అవకాశం ఉందని NCM పేర్కొంది. అలాగే ఎమిరేట్స్ రోడ్ (దుబాయ్ స్ట్రెచ్), అబుధాబి, అల్ ఐన్, రస్ అల్ ఖైమాలోని కొన్ని ప్రాంతాలలో కూడా మోస్తరు నుంచి భారీ వర్షాలు పడే అవకావం ఉందని అథారిటీ వెల్లడించింది. దీంతోపాటు అధిక వేగంతో గాలుల వీస్తాయని, దీని కారణంగా దృశ్యమానత తక్కువగా ఉంటుందని NCM హెచ్చరించింది.