బాలకృష్ణ వెండితెరపై మరోసారి రాజసం పలికించడానికి సిద్ధమవుతున్నారు. ఆయన తన 100వ చిత్రంగా క్రిష్ దర్శకత్వంలో 'గౌతమీ పుత్ర శాతకర్ణి'గా నటించనున్న విషయం తె లిసిందే. భారీ సాంకేతిక విలువలతో అత్యంత ప్రతిష్ఠాత్మకంగా రూపొందనున్న ఈ చారిత్రక కథా చిత్రం షూటింగ్ ప్రారంభానికి ముహూర్తం ఖరారైంది. ఈ నెల 22న హైదరాబాద్‌లోని అన్నపూర్ణా స్టూడియోస్‌లో ఫ్యాన్స్, సినీ, రాజకీయ రంగ ప్రముఖుల సమక్షంలో ఈ షూటింగ్ ప్రారంభించనున్నారు. ఫస్ట్ ఫ్రేమ్ ఎంటర్‌టైన్‌మెంట్‌పై కె.సాయిబాబు, రాజీవ్‌రెడ్డి దీన్ని నిర్మించనున్నారు.