రియాద్: సౌదీ అరేబియాలోని జజాన్, అసిర్‌లలో భారీ డ్రగ్స్ స్మగ్లింగ్ ప్రయత్నాలను భగ్నం చేసినట్లు సౌదీ భద్రతా దళాలు వెల్లడించాయి. ఈ క్రమంలో మూడు టన్నులకు పైగా నార్కోటిక్ ఖట్, 772 కిలోల హషీష్‌ను అక్రమంగా తరలించే ప్రయత్నాలను అడ్డుకున్నట్లు అధికారులు తెలిపారు. జజాన్, అసిర్ ప్రాంతాలలో సెక్యూరిటీ పెట్రోలింగ్ సిబ్బంది స్మగ్లింగ్ ప్రయత్నాలను అడ్డుకుందని భద్రతా దళాలు పేర్కొన్నాయి. ఈ ఘటనలకు సంబంధించి 80 మంది అనుమానితులను అరెస్టు చేసినట్లు తెలిపింది. మెడికల్ సర్క్యులేషన్ నియంత్రణకు లోబడి 206,340 టాబ్లెట్‌లను కూడా స్వాధీనం చేసుకున్నట్లు పేర్కొంది. అనుమానితుల్లో 30 మంది సౌదీ పౌరులు కాగా.. మిగతా వారు యెమెన్, ఇథియోపియా, ఎరిట్రియాకు చెందిన వారు ఉన్నారన్నారు.