ఉమ్ అల్ క్వైన్: సింగిల్ యాజ్ ప్లాస్టిక్ ను నిషేధిస్తున్నట్లు మరో ఎమిరేట్స్ కంట్రీ ప్రకటించింది.వచ్చే ఏడాది జనవరి 1 తేదీ నుంచి సింగిల్ యూజ్ ప్లాస్టిక్ ను బ్యాన్ చేస్తున్నట్లు ఉమ్ అల్ క్వైన్ తెలిపింది. ఎమిరేట్ ఆఫ్ ఉమ్ అల్ క్వైన్ ఎగ్జిక్యూటివ్ కౌన్సిల్ ఈ నిర్ణయం తీసుకుంది. బయోడిగ్రేడబుల్ లేదా మల్టీ యూసేజ్ బ్యాగ్ లు, కాగితం, లేదా బట్టతో నేసిన సంచులను మాత్రమే వాడాలని ప్రజలకు సూచించింది. ఇక సింగిల్ యాజ్ ప్లాస్టిక్ ను నిషేధించిన తర్వాత దుకాణదారులు ఒక్కో ప్లాస్టిక్ బ్యాగ్ పై 25 ఫిల్స్ ను అదనంగా వసూలు చేయనున్నారు. యూఏఈ లో కాలుష్య నివారణ చర్యల్లో భాగంగా ఇప్పటికే అబుదాబి, దుబాయ్, షార్జాలో సింగిల్ యూజ్ ప్లాస్టిక్ బ్యాగ్ ల వాడకాన్ని నిషేధించాయి. తాజాగా ఉమ్ అల్ క్వైన్ కూడా ఈ నిర్ణయం తీసుకుంది.