మారుతితో ప్రబాస్.! షాకింగ్ అప్డేట్ ఇదిగో.!

- October 15, 2022 , by Maagulf

ప్రబాస్, మారుతి కాంబినేషన్‌లో ఓ సినిమా తెరకెక్కనున్న సంగతి తెలిసిందే. ఇటీవలే ఈ సినిమా సెట్స్ ‌పైకి వెళ్లిన సంగతి తెలిసిందే. తాజాగా అందుతోన్న సమాచారం ప్రకారం ప్రబాస్ వారం రోజులు డేట్లు కేటాయించినట్లుగా తెలుస్తోంది.

వరుస సినిమాలతో అది కూడా భారీ బడ్జెట్ సినిమాలతో ఫుల్ బిజీగా వున్న ప్రబాస్, మారుతికి డేట్లు కేటాయించడం నిజంగా షాకింగ్ అంశమే. అసలు ఈ సినిమాలో నటించొద్దు మొర్రో అంటూ ప్రబాస్‌ని ఫ్యాన్స్ వారిస్తున్నా అప్పుడెప్పుడో మారుతికి ఇచ్చిన మాటను దృష్టిలో పెట్టుకుని ఈ ప్రాజెక్ట్ ఓకే చేశాడు ప్రబాస్.

‘పక్కా కమర్షియల్’ సినిమా తర్వాత, కొద్ది రోజులు గ్యాప్ తీసుకుని, మారుతి ఈ సినిమాని పట్టాలెక్కించేశాడు. అయితే, లేటెస్టుగా తన భారీ సినిమాల నుంచి కాస్త గ్యాప్ తీసుకున్న ప్రబాస్, మారుతి కోసం వారం రోజులు డేట్లు కేటాయించాడట. దాంతో, ప్రబాస్‌తో కీలకమైన సన్నివేశాల చిత్రీకరణకు మారుతి రంగం సిద్ధం చేస్తున్నాడట.

ఈ సినిమాలో ప్రబాస్ సరసన ముగ్గురు హీరోయిన్లు నటిస్తున్నారన్న ప్రచారం వుంది. అందులో మాళవికా మోహనన్ అధికారికంగా కన్‌ఫామ్ అవ్వగా మిగిలిన ఇద్దరు హీరోయిన్ల వివరాలు ఇంకా తేలాల్సి వుంది.