మస్కట్: అల్ దఖిలియా గవర్నరేట్‌లోని విలాయత్ ఆఫ్ ఇజ్కీ నుండి 18 రోజుల క్రితం తప్పిపోయిన హమిదా హమ్మూద్ అల్ అమ్రియా ఆచూకీ ఇప్పటికీ తెలియలేదని, ఆమె కోసం గాలింపు చర్యలు కొనసాగుతున్నాయని రాయల్ ఒమన్ పోలీసులు తెలిపారు. తప్పిపోయిన మహిళ గురించి ఏదైనా సమాచారం తెలిసిన వారు వెంటనే సమీపంలోని పోలీస్ స్టేషన్‌కు లేదా 9999 నంబర్‌కు సంప్రదించాలని పోలీసులు పిలుపునిచ్చారు. ఈ ఘటనకు సంబంధించి ప్రచారంలో ఉన్న కరపత్రం నిజమైంది కాదని, గతంలో జరిగిన మరో సంఘటనకు సంబందించినదని ఒమన్ పోలీసులు క్లారిటీ ఇచ్చారు. అల్ దఖిలియా గవర్నరేట్ పోలీస్ కమాండ్, సుల్తాన్ కబూస్ అకాడమీ ఫర్ పోలీస్ సైన్సెస్ మద్దతుతో తప్పిపోయిన మహిళను వెతకడానికి గాలింపు చర్యలు కొనసాగుతున్నాయని, సిమా గ్రామంతోపాటు ఇజ్కి విలాయత్‌లోని దాని పొరుగు గ్రామాలలో గాలింపు చర్యలను ఉధృతం చేసినట్లు రాయల్ ఒమన్ పోలీసులు వెల్లడించారు.