నందమూరి నటసింహం బాలయ్య నటిస్తున్న కొత్త సినిమాకి తాజాగా టైటిల్ ఫిక్స్ చేసిన సంగతి తెలిసిందే. బాలయ్యకు బాగా కలిసొచ్చిన ‘సింహా’ వచ్చేలా తాజా టైటిల్‌ని ఫిక్స్ చేశారు. 
గోపీచంద్ మలినేని దర్శకత్వంలో రూపొందుతోన్న ఈ సినిమాకి ‘వీర సింహారెడ్డి’ అనే టైటిల్ పెట్టారు. గతంలో బాలయ్య నటించిన చాలా సినిమాల్లో ‘సింహా’ వచ్చేలా టైటిల్స్ పెట్టిన సంగతి తెలిసిందే. కొన్ని ఫెయిల్యూర్స్ వున్నప్పటికీ ఆయా సినిమాల్లో సెన్సేషనల్ హిట్ సినిమాలే ఎక్కువ.
ముఖ్యంగా ‘సమరసింహా రెడ్డి’ సినిమా అప్పట్లో ఓ సంచలనం. అలాంటి సంచలనాలనే తాజా సినిమా ‘వీర సింహారెడ్డి’ క్రియేట్ చేస్తుందని మేకర్లు నమ్ముతున్నారు. ఈ సినిమాని మైత్రీ మూవీస్ బ్యానర్‌లో ప్రతిష్టాత్మకంగా రూపొందిస్తుండగా తమన్ మ్యూజిక్ అందిస్తున్నారు.
గతంలో ఇంతకు ముందెన్నడూ లేని విధంగా కర్నూల్ కొండారెడ్డి బురుజు వేదికగా ఓ భారీ ఈవెంట్ ప్లాన్ చేసి మరీ ఈ సినిమాకి టైటిల్ రిలీజ్ చేశారు. శృతిహాసన్ ఈ సినిమాలో కథానాయికగా నటిస్తుంగా, సంక్రాంతికి సినిమా ప్రేక్షకుల ముందుకు రానుంది.