మస్కట్: బహిరంగ ప్రదేశాలలో పక్షులకు ఆహారం ఇవ్వడం మానుకోవాలని మస్కట్ మునిసిపాలిటీ సూచించింది.  దీని కారణంగా ప్రజల ఆరోగ్యంతోపాటు పర్యావరణ సమతుల్యత దెబ్బతింటుందని హెచ్చరించింది. మిగిలిపోయిన ధాన్యాలు, పక్షుల వ్యర్థాలతో కలిసిపోయి కుళ్ళిపోయి.. దుర్వాసన వెదజల్లుతుందని పేర్కొంది. దీని కారణంగా ప్రజలు తమ సమయాన్ని ఆరుబయట గడపకుండా లేదా బహిరంగ కూడళ్లలో క్రీడా కార్యకలాపాల్లో పాల్గొనకుండా అడ్డుకుంటుందని  మున్సిపాలిటీ తెలిపింది.  అంతేకాకుండా పక్షులను పోషించే ఉద్దేశంతో ధాన్యాలను నడక మార్గాలు, కాలిబాటలపై వేయడంతో అక్కడ కీటకాలు, పురుగులు, పరాన్నజీవుల సంఖ్య పెరిగి వాతావరణం కలుషితం అవుతందని, ఇది పురపాలక సిబ్బందిపై అదనపు భారాన్ని మోపుతుందని మస్కట్ మునిసిపాలిటీ పేర్కొన్నది.