బాలకృష్ణ వందో చిత్రం 'గౌతమిపుత్ర శాతకర్ణి' చిత్ర ప్రారంభోత్సవానికి రాజకీయ, సినీ రంగానికి చెందిన అతిరథ మహారధులు తరలివచ్చారు. అన్నపూర్ణ స్టుడియోలో జరుగుతున్న ఈ చిత్ర పూజా కార్యక్రమాలకు తెలంగాణ ముఖ్యమంత్రి కేసీఆర్‌, తెలంగాణ మంత్రులు హరీశ్‌రావు, తలసాని శ్రీనివాస్‌యాదవ్‌, జగదీశ్‌రెడ్డి, సినీ రంగానికి చెందిన చిరంజీవి, దాసరి నారాయణరావు, తమ్మారెడ్డి భరద్వాజ, కె.రాఘవేంద్రరావు, వెంకటేశ్‌, సింగీతం శ్రీనివాసరావు తదితరులు హాజరయ్యారు. వీరందరికీ బాలకృష్ణ స్వయంగా ఆహ్వానం పలికారు.