బహ్రెయిన్: హూరాలో నిర్మాణంలో ఉన్న భవనంలో చోటుచేసుకున్న అగ్ని ప్రమాదంలో చిక్కుకున్న 13 మంది కార్మికులను సివిల్ డిఫెన్స్ ఫోర్స్ అధికారులు రక్షించారు. సమాచారం అందగానే ఐదు ఫైర్ ఇంజిన్లు, పలువురు అధికారులు సంఘటనా స్థలానికి చేరుకొని మంటలను అదుపులోకి తీసుకొచ్చారని అంతర్గత మంత్రిత్వ శాఖ తెలిపింది. ఈ మేరకు అంతర్గత మంత్రిత్వ శాఖ ట్వీట్‌ చేసింది. అయితే, అగ్నిప్రమాదానికి కారణమేమిటనేది ఇంకా తెలియరాలేదని, విచారణ కొనసాగుతోందని పేర్కొంది.