కువైట్: వచ్చే ఏడాది ప్రారంభానికల్లా కువైట్ అంతర్జాతీయ విమానాశ్రయంతోపాటు అన్ని ఓడరేవుల్లో ఐరిస్, ఫేస్, హ్యాండ్ స్కానింగ్, ఎలక్ట్రానిక్ సిగ్నేచర్ విధానాలను అమలు చేయడం ప్రారంభమవుతుందని కువైట్ అంతర్గత మంత్రిత్వ శాఖ వెల్లడించింది.  అక్రమంగా వచ్చేవారు, బహిష్కరణకు గురైన వారు, వీసా ఫోర్జరీల ద్వారా కువైట్ వచ్చే వారిని ఈ టెక్నాలజీతో అడ్డుకట్ట వేయవచ్చని అంతర్గత మంత్రిత్వ శాఖ పేర్కొంది. సరిహద్దులు, ఫోరెన్సిక్ ఎవిడెన్స్, ఇన్ఫర్మేషన్ సిస్టమ్స్ విభాగాలు ప్రస్తుతం ఈ అధునాతన పరికరాల ఆపరేషన్‌ను టెస్టింగ్ ప్రాసెస్ ను పరిశీలిస్తున్నాయని తెలిపింది.