బిగ్‌బాస్ హౌస్‌లో ప్రస్తుతం కెప్టెన్సీ టాస్క్ నడుస్తోంది. ఈ టాస్క్ కోసం ఇంటి సభ్యులు హోరా హోరీ పోరాటం చేస్తున్నారు. ఇంతవరకూ ఒక్కసారి కూడా కెప్టెన్ అవ్వని ఇనయా ఈ సారి ఎలాగైనా కెప్టెన్సీ సాధించాలన్న కసితో వుంది. 
అయితే, తనకు పోటీగా బరిలో వున్న రేవంత్, శ్రీహాన్ నుంచి ఆమె తనను తాను డిఫెండ్ చేసుకోలేకపోయింది. లాస్ట్ మినిట్ వరకూ తనవంతు బెస్ట్ ఇచ్చింది కానీ, మగవాళ్ల బలం ముందు ఆమె గెలవలేకపోయింది. ఫైనల్‌గా ఫ్రెండ్స్ అయిన శ్రీహాన్, రేవంత్‌లలో రేవంత్ గెలిచి రెండోసారి ఇంటి కెప్టెన్ అయ్యాడు. 
లాస్ట్ మినిట్‌లో కెప్టెన్సీని కోల్పోయిన ఇనయా ఆవేదన వ్యక్తం చేసింది. ఆది రెడ్డి తనదైన స్ర్టాటజీతో సింపతీ గెయిన్ చేసే ప్రయత్నం చేశాడు కానీ, అతని పాచికలు పారలేదు శ్రీహాన్, రేవంత్‌ల ముందు. 
రేవంత్‌పై ఫైమా పిట్ట కొంచెం, కూత ఘనం అన్నట్టుగా విరుచుకుపడింది. ఎందుకని గతంలో మాదిరి ఎంటర్‌టైన్ చేయలేకపోతున్నావ్.. అని ఆడియన్స్ నుంచి వచ్చిన ప్రశ్నకి ఫైమా ఘాటుగా సమాధానమిచ్చింది. తాను ఫన్ మీద కంటే, గేమ్ మీదనే ఎక్కువ ఫోకస్ పెడుతున్నానని వివరణ ఇచ్చింది.