ఈ మధ్య థమన్ తన మ్యూజిక్‌తో పరువు తీసేస్తున్నాడు. అన్నీ కాపీ సాంగ్సే.. అంటూ రిలీజైన కాస్సేపటికే లీకు వీరులు పాత వీడియోలన్నింటినీ ఇన్‌ఫో తీసి సోషల్ మీడియాలో వదిలేస్తున్నారు.
ఈ పాట ఇదిగో ఈ సినిమాలోని సాంగ్‌ని కాపీ కొడితే వచ్చింది.. అంటూ ఆధారాలతో సహా వదిలేస్తుంటే.. ఏం చేయాలి నమ్మి తీరాల్సిందేగా. తాజాగా నందమూరి నటసింహం బాలయ్య నటించిన ‘వీర సింహారెడ్డి’ సినిమా నుంచి ‘జై బాలయ్య..’ అంటూ ఫస్ట్ సింగిల రిలీజ్ చేశారు.
ఈ పాట ఇలా రిలీజ్ చేశారో లేదో.. ఆ పాట ఇదిగో ఈ ఈ పాటలకి కాపీ మ్యూజిక్ అంటూ ‘ఒసేయ్ రాములమ్మ..’ పాటని రీమిక్స్ చేసి నెట్టింట్లో వదిలేశారు. 
పాపం థమన్ ఎంత కష్టపడి వుంటాడోగా ఆ సాంగ్‌కి మ్యూజిక్ కంపోజ్ చేయడానికి. లీకు వీరులు కొన్ని నిముషాల్లోనే ఆ పాటకి మూలాలు కనిపెట్టేసి రీమిక్స్ చేసి వదిలేస్తున్నారు. అయినా థమన్‌కి ఈ మధ్య ఇలాంటి ట్రోల్స్ చాలా ఎక్కువయిపోతున్నాయ్. ఈజీగా టార్గెట్ అయిపోతున్నాడు. ఇది ఇలాగే కొనసాగితే, థమన్ ఇమేజ్ డ్యామేజ్ అయిపోవడానికి ఎంతో కాలం పట్టదు సుమీ.!