బహ్రెయిన్‌: బహ్రెయిన్‌లోకి 1600 మెడికల్ క్యాప్సూల్స్ ను అక్రమంగా తరలించేందుకు ప్రయత్నించారనే ఆరోపణలపై 50 ఏళ్ల మహిళపై హై క్రిమినల్ కోర్టు విచారణ ప్రారంభించింది. కోర్టు ఫైల్స్ ప్రకారం.. మహిళ ఇరాన్ నుండి కొన్ని క్యాప్సూల్స్‌ను ప్రిస్క్రిప్షన్ ద్వారా తీసుకువచ్చింది. అవి తన కోసం ఒక సంవత్సరం పాటు వాడేందుకని కస్టమ్స్ అధికారులకు పేర్కొంది. అయితే, ఎయిర్‌పోర్టు టెర్మినల్‌లో మహిళ అనుమానాస్పదంగా కదులుతున్నట్లు గుర్తించి, ఆమెను క్షుణ్ణంగా పరీక్షించినట్లు పోలీసులు తెలిపారు. తమ తనిఖీల్లో ఆమె వ్యక్తిగత బ్యాగుల్లో దాచిన పలు క్యాప్సూల్స్‌ను గుర్తించామని కస్టమ్స్ అధికారులు తెలిపారు.