బహ్రెయిన్: రాబోయే మూడు రోజులపాటు బహ్రెయిన్ లోని పలు ప్రాంతాల్లో మోస్తరు నుంచి భారీ వర్షాలు పడే అవకాశం ఉందని వాతావరణ శాఖ వెల్లడించింది. దట్టమైన బూడిద షేడ్స్‌లో మేఘాలు ఆకాశాన్ని కప్పివేస్తాయన్నారు. సుదీర్ఘ వేసవి కాలం తర్వాత చల్లటి వాతావరణం బహ్రెయిన్ వాసులకు ఉపశమనాన్ని అందించనున్నదని తెలిపింది. కొన్ని ప్రాంతాల్లో ఉరుములతో కూడిన వర్షం కురిసే అవకాశం ఉందని ప్రకటించింది. నిన్న గరిష్ట ఉష్ణోగ్రత 28 డిగ్రీల సెల్సియస్, కనిష్టంగా 21 డిగ్రీల సెల్సియస్ నమోదైంది. చాలా మంది ఆహ్లాదకరమైన వాతావరణ మార్పులను స్వాగతిస్తున్నప్పటికీ, అధికారులు మాత్రం వర్షాలు పడే సమయంలో ప్రజలు జాగ్రత్తగా ఉండాలని కోరారు.