మంచు మనోజ్ గత కొంత కాలంగా సినిమాలకు దూరంగా వున్న సంగతి తెలిసిందే. పర్సనల్ రీజన్స్ కారణంగా వైవాహిక బంధంలో చీలికలు ఏర్పడ్డాయ్. వివాహం చేసుకున్న రెండేళ్లకే మనోజ్ ప్రణతి రెడ్డికి విడాకులిచ్చేశారు.
ఆ తర్వాత సినిమాలకూ దూరమైపోయారు. మొన్నామధ్య ‘అహం బ్రహ్మస్మి’ అనే సినిమాని స్టార్ట్ చేశారు. కానీ, మధ్యలోనే ఆపేశారు. తాజాగా కడప దర్గాను దర్శించుకున్న మంచు మనోజ్, తాను కొత్త జీవితంలోకి అడుగు పెట్టబోతున్నట్లుగా ప్రకటించారు.
అలాగే, ఇకపై వరుసగా సినిమాలు కూడా చేస్తానని తెలిపారు. ఇక మంచు మనోజ్ గత కొంతకాలంగా దివంగత నేత భూమా నాగిరెడ్డి రెండో తనయ మౌనికతో రిలేషన్‌లో వున్నట్లు వార్తలు వస్తున్నాయ్. ఆమెనే మనోజ్ ఇప్పుడు రెండో వివాహం చేసుకోబోతున్నారనీ ప్రచారం జరుగుతోంది. 
బహుశా ఆ ప్రచారాన్ని మనోజ్ నిజం చేయబోతున్నారు కాబోలు. అంతేకాదు, వచ్చే ఏడాది ఫిబ్రవరిలో మౌనికతో మనోజ్ పెళ్లి ముహూర్తం కూడా ఫిక్స్ అయినట్లు ఇన్‌సైడ్ సోర్సెస్ సమాచారం.