‘పెళ్లి సందడి’ సినిమాతో తెలుగు తెరకు పరిచయమైన కన్నడ కుట్టీ శ్రీలీల. సినిమా హిట్ కాకపోయినా, హీరోయిన్‌గా బాగా ఎట్రాక్ట్ చేసింది శ్రీలీల. తొలి సినిమా ఫ్లాప్ అయినా, ఆ ఎట్రాక్షనే ఆమెకు వరుస అవకాశాలు తెచ్చి పెట్టింది.
తాజాగా శ్రీలీల నటించిన ‘ధమాకా’ ఈ శుక్రవారం అనగా డిశంబర్ 23న రిలీజ్ కానున్న సంగతి తెలిసిందే. ఈ సినిమా ప్రమోషన్లలో భాగంగా బిగ్‌బాస్ ఫినాలే ఎపిసోడ్‌కి మాస్ రాజా రవితేజతో కలిసి వచ్చి శ్రీలీల చేసిన సందడి అంతా ఇంతా కాదు.
అంతేకాదు, నాగార్జున, శ్రీలీలను చూసి తెగ మురిసిపోయాడు. ఆమె డాన్సుల గురించి తెగ పొగిడేశాడు. ‘నువ్వు శ్రీలీల డ్యాన్సుల్ని మ్యాచ్ చేయగలిగావా’ అంటూ సీనియర్ హీరో అయిన రవితేజ గాలి తీసేశాడు నాగార్జున.
చూస్తుంటే, శ్రీలీలపై నాగార్జున కన్ను పడ్డట్లే అనిపిస్తోంది. అయ్యో.! డబుల్ మీనింగులు తీసేయొద్దు సుమా. బహుశా నాగ చైతన్య సినిమాలో కానీ, అఖిల్ సినిమాలో కానీ, శ్రీలీలకు హీరోయిన్‌గా ఛాన్సిస్తాడేమో నాగ్ అని ఆ వాక్యం సారాంశం అంతే.!