తమిళ మ్యూజిక్ డైరెక్టర్, నిర్మాత, దర్వకుడు అయిన విజయ్ ఆంటోనీ తొలి సారి నటుడిగా మారి తెరకెక్కించిన చిత్రం ‘బిచ్చగాడు’. కన్నతల్లి ప్రేమ నేపథ్యంలో వచ్చిన ఈ సినిమా అప్పట్లో సంచలన విజయం అందుకుంది. విడుదలైన అన్ని భాషల్లోనూ బోలెడన్ని వసూళ్లు రాబట్టింది.
దాంతో, విజయ్ ఆంటోనీ పేరు మార్మోగిపోయింది. అదే క్రేజ్‌తో వరసగా డజన్ల కొద్దీ సినిమాల్లో నటించేశాడు విజయ్ ఆంటోనీ. అయితే, ‘బిచ్చగాడు’ సినిమా రేంజ్‌ని అందుకోలేకపోయాడు. వరుస పరాజయాల కారణంగా గత కొన్నాళ్లుగా విజయ్ ఆంటోనీ నటనకు దూరంగా వున్నాడు.
బిచ్చగాడు ఫేమ్ తిరిగి సంపాదించాలంటే, అదే సినిమాకి సీక్వెల్ రూపొందించాలని నిర్ణయించుకున్నాడట. గతేడాదే ఈ సీక్వెల్‌ని ప్రకటించాడు కానీ, పట్టాలెక్కలేదు. ఎట్టకేలకు తాజాగా సెట్స్‌ మీదికెళ్లింది ఈ సినిమా. 
‘బిచ్చగాడు’ సినిమా ఎక్కడ ఆగిందో, ‘బిచ్చగాడు 2’ కథ అక్కడి నుంచే మొదలు కానుందట. అంతకు ఏమాత్రం తగ్గకుండా రూపొందించబోతున్నాడట. తమిళంతో పాటూ, తెలుగు, మలయాళ, కన్నడ నాలుగు భాషల్లో ఈ సినిమాని రిలీజ్ చేయనున్నాడట. వచ్చే ఏడాది సమ్మర్‌కల్లా రెండో బిచ్చగాడు సిద్ధం కానున్నాడట.