కువైట్: సాల్మియాలో ఐదు అంతస్తుల భవనంలో అగ్ని ప్రమాదం చోటుచేసుకున్నది. ఈ ప్రమాదంలో ఓ వ్యక్తి గాయపడినట్లు కువైట్ ఫైర్ ఫోర్స్ (కేఎఫ్ఎఫ్) తెలిపింది. ప్రమాద సమాచారం అందగానే సెంట్రల్ కమాండ్ అడ్మినిస్ట్రేషన్ సాల్మియా, బిడా అగ్నిమాపక కేంద్రాల నుండి అగ్నిమాపక బృందాలను సంఘటనా స్థలానికి పంపినట్లు కేఎఫ్ఎఫ్ పేర్కొంది. ఐదు అంతస్తుల భవనంలో మంటలు మూడవ అంతస్తులో ప్రారంభమైనట్లు ఫైర్ సిబ్బంది గుర్తించి.. భవనంలోని వ్యక్తులను బయటకు తీసి మంటలను అగ్నిమాపక సిబ్బంది అదుపు చేశాయని తెలిపారు. ఈ ప్రమాదంలో ఓ వ్యక్తి ఊపరిరాడక అపస్మారక స్థితికి చేరడంతో అతడిని వెంటనే సమీప ఆస్పత్రికి తరలించినట్లు కువైట్ ఫైర్ ఫోర్స్  వెల్లడించింది.