దుబాయ్: భౌతిక, విజువల్ ఫోరెన్సిక్ సాక్ష్యాలలో కూడిన బహుళ ఫోరెన్సిక్ బయోమెట్రిక్‌లతో 2017 నుండి 2,290 కేసులను పరిష్కరించినట్లు దుబాయ్ పోలీస్‌లోని జనరల్ డిపార్ట్‌మెంట్ ఆఫ్ ఫోరెన్సిక్స్ అండ్ క్రిమినాలజీ డైరెక్టర్ వెల్లడించారు. దొంగల వాకింగ్, శరీర కొలతలను విశ్లేషించిన తర్వాత పలువురు అనుమానితులను దోషులుగా నిర్ధారించడంలో ఫోరెన్సిక్ బయోమెట్రిక్స్ టెక్నాలజీ సహాయపడిందన్నారు. అపార్ట్‌మెంట్‌లోకి చొరబడి 12 మిలియన్ దిర్హామ్‌లను దొంగిలించడానికి మహిళల అబయా, నిఖాబ్ (ఫేస్ కవర్) ధరించిన వ్యక్తి వాడారని, CCTV ఫుటేజీని విశ్లేషించిన నిపుణులు నేరస్థుడిని పట్టుకోగలిగారని పేర్కొన్నారు.
కోవిడ్ -19 వ్యాప్తి చెందుతున్న సమయంలో ఫేస్ మాస్క్‌లు ధరించిన నేరస్థులను గుర్తించేందుకు దుబాయ్ పోలీసు ఫోరెన్సిక్ నిపుణులు ఫోరెన్సిక్ బయోమెట్రిక్‌లను విజయవంతంగా ఉపయోగించారని మేజర్ జనరల్ అహ్మద్ థానీ బిన్ ఘలైటా తెలిపారు. ప్రపంచంలోని పోలీసు ఏజెన్సీలలో భౌతిక ఫోరెన్సిక్ సాక్ష్యాలను విశ్లేషించడానికి బహుళ బయోమెట్రిక్‌లను ఉపయోగించడంలో దుబాయ్ పోలీస్ జనరల్ కమాండ్ అగ్రగామిగా ఉందని బిన్ ఘలైటా పేర్కొన్నారు.