కువైట్: గ్రేస్ పీరియడ్ ముగిసిన తర్వాత డెలివరీ కంపెనీలకు నిర్దేశించిన కొత్త నిబంధనల అమలును ప్రారంభిస్తున్నట్లు ట్రాఫిక్ విభాగం వెల్లడించింది. ఈ మేరకు ప్రత్యేక డ్రైవ్ చేపట్టనున్నట్లు తెలిపింది. కొత్త నిబంధనల ప్రకారం.. హెల్మెట్‌తోపాటు యూనిఫాం ధరించాలి. తమ వాహనాలపై కంపెనీ స్టిక్కర్ అతికించాలి. డెలివరీ మాన్ నివాస అనుమతి తప్పనిసరిగా అదే కంపెనీకి సంబంధించినదై ఉండాలి.  ఆర్టికల్ 20 రెసిడెన్సీ పర్మిట్‌లను కలిగి ఉన్నవారు డెలివరీమెన్‌గా పని చేయడానికి అనుమతి లేదు. ఈ కొత్త నిబంధనలు పాటించని వారిపై చట్టపరమైన చర్యలు తీసుకుంటామని ట్రాఫిక్ విభాగం వెల్లడించింది.