కువైట్: కువైట్ కుటుంబం సగటున మూడు కార్లను కలిగి ఉండగా.. ప్రవాస కుటుంబానికి సగటున ఒక కారు ఉందట. ఈ మేరకు కువైట్ ప్రభుత్వం విడుదల చేసిన తాజా గణాంకాలు చెబుతున్నాయి. గణాంకాల ప్రకారం.. ప్రతి 100 కువైట్ కుటుంబాలకు 288 కార్లు ఉన్నాయి. అదే సమయంలో ప్రతి 100 ప్రవాస కుటుంబాలకు 98 కార్లు మాత్రమే ఉన్నాయి. అదే విధంగా ప్రతి 100 కువైట్ కుటుంబాలకు ఆరు మోటార్‌సైకిళ్లు, 40 సైకిళ్లు, బగ్గీలు, ట్రైలర్‌లు, కారవాన్‌లు వంటి ఐదు కంటే ఎక్కువ ఇతర రవాణా సదుపాయాలు అందుబాటులో ఉన్నాయని ప్రభుత్వ గణంకాలు స్పష్టం చేశాయి.