ముంబాయి: పరారీలో ఉన్న 38 ఏళ్ల ప్రవీణ్ అశుభ జడేజా అకాని 15 ఏళ్ల తర్వాత పోలీసులు అరెస్ట్ చేశారు. అతని రెండు బంగారు పళ్ల ద్వారా అతడిని గుర్తించినట్లు ముంబై పోలీసులు శనివారం తెలిపారు. నిందితుడు పట్టుబడకుండా ఉండేందుకు నిందితుడు తన గుర్తింపును మార్చుకుని గుజరాత్‌కు మారినట్లు పోలీసులు తెలిపారు. నిందితుడు ప్రవీణ్ మోసం, పోలీసులను తప్పుదారి పట్టించాడని అభియోగాలు మోపారు. అరెస్టు చేసిన కొన్ని రోజుల తర్వాత, నిందితుడికి కోర్టు నుండి బెయిల్ వచ్చింది. తరువాత, విచారణ తర్వాత, నిందితుడు ముంబై నుండి పారిపోయాడు. అందుకే కోర్టు అతన్ని పరారీలో ఉన్న వ్యక్తిగా ప్రకటించిందని అని పోలీసు అధికారి తెలిపారు. ప్రవీణ్ 2007లో ఓ బట్టల దుకాణంలో సేల్స్‌మెన్‌గా పనిచేసేవాడు. అతని యజమాని ఒకసారి మరో వ్యాపారి నుంచి రూ.40,000 తీసుకురావాలని చెప్పాడు. ఆ డబ్బును తన యజమానికి ఇవ్వకుండా, ప్రవీణ్ పోలీసులను, యజమానిని తప్పుదోవ పట్టించాడు. మరుగుదొడ్డి నుండి అతని డబ్బుల బ్యాగ్ ని ఎవరో దొంగిలించారని నాటకం ఆడాడని పోలీసు అధికారి వివరించారు. విచారణ అనంతరం ప్రవీణ్ డబ్బును తన వద్దే పెట్టుకొని పోలీసులను తప్పుదోవ పట్టించాడని తేలిందని ముంబై పోలీసులు తెలిపారు.