గోపీచంద్ కెరీర్‌లో ‘జిల్’, ‘లౌక్యం’ సినిమాలు మంచి విజయాలు అందుకున్నాయ్. ఆ తర్వాత గోపీచంద్‌కి ఆ రేంజ్ హిట్ దక్కింది లేదింతవరకూ. గతేడాది ‘పక్కా కమర్షియల్’ అంటూ వచ్చాడు కానీ, బాక్సాఫీస్ వద్ద నిలబడలేకపోయాడు. 

ఇప్పుడు ‘రామబాణం’ అనే సినిమాతో కసిగా వర్క్ చేస్తున్నాడు. శ్రీవాస్ దర్శకత్వంలో ఈ సినిమా తెరకెక్కుతోంది. గతంలో ‘లౌక్యం’ సినిమాతో గోపీచంద్‌కి హిట్ ఇచ్చిన డైరెక్టర్ శ్రీవాస్. సో ఈ సినిమాపై భారీగా అంచనాలున్నాయ్. ‘ఖిలాడీ’ బ్యూటీ డింపుల్ హయాతి ఈ సినిమాలో హీరోయిన్‌గా నటిస్తోంది. పీపుల్స్ మీడియా బ్యానర్‌లో ప్రతిష్టాత్మకంగా రూపొందుతోంది.

జగపతిబాబు, కుష్బూ కీలక పాత్రలు పోషిస్తున్నారు. కాగా, ఏప్రిల్‌లో ఈ సినిమాని రిలీజ్ చేసేందుకు సన్నాహాలు చేస్తున్నారు. శివరాత్రి సందర్భంగా వచ్చిన గోపీచంద్ ఫస్ట్ లుక్‌కి మంచి రెస్పాన్స్ వస్తోంది. ‘విక్కీ’ అనే పవర్‌ఫుల్ రోల్‌లో గోపీచంద్ కనిపిస్తున్నట్లు తెలుస్తోంది. చూడాలి మరి, ‘రామబాణం’తో గోపీచంద్ ఎంత మేర దూసుకొస్తాడో.!