యూఏఈ: యూఏఈ టూరిస్ట్ వీసాల కోసం దరఖాస్తులను సమర్పించవచ్చని బోటిమ్(Botim) యాప్ తెలిపింది. ఈ మేరకు ట్రావెల్ వెబ్‌సైట్ (musafir.com)తో భాగస్వామ్యం కలిగి ఉన్నట్లు పేర్కొంది. ధరలు Dh450 నుండి ప్రారంభమవుతాయని తెలిపింది. “బోటిమ్ యాప్ ఇప్పుడు 30-60 రోజుల సింగిల్, మల్టీ-ఎంట్రీ వీసాల కోసం దరఖాస్తు చేసుకోవడానికి వినియోగదారులను అనుమతిస్తుంది. ఇది యూఏఈలో నివసిస్తున్న ప్రవాసులు తమ కుటుంబ సభ్యులను, స్నేహితులను సందర్శన కోసం మరింత సులభంగా, సౌకర్యవంతంగా దేశానికి తీసుకురావచ్చు. ఇతర ఎంపికలు సాధారణంగా ఎక్కువ ఖర్చుతో కూడుకున్నవి. సమయం అధికంగా తీసుకుంటాయి. ” అని బోటిమ్ మాతృ సంస్థ ఆస్ట్రా టెక్ సహ వ్యవస్థాపకుడు, సీఈఓ అబ్దల్లా అబు షేక్ తెలిపారు.