సినిమాల్లో బూతు కంటెంట్‌కి సెన్సార్ వుంటుంది. కానీ, వెబ్ సిరీస్‌లలో సెన్సార్ కట్స్ లేవు. దాంతో, వెబ్ సిరీస్ అంటే, బూతు కంటెంట్ వుండొచ్చు. అలా అని అన్ని వెబ్ సిరీస్‌లూ బూతు కంటెంట్ సిరీస్‌లే అని చెప్పలేం.

‘ఆ’ కంటెంట్ లేకుండా కూడా కొన్ని క్లీన్ వెబ్ సిరీస్‌లు మంచి పేరు తెచ్చుకుంటున్నాయ్. ప్రేక్షకుల మెప్పు పొందుతున్నాయ్. 

అయితే, సీనియర్ స్టార్ వెంకటేష్, రానా కాంబినేషన్‌లో వచ్చిన ‘రానా నాయుడు’ వెబ్ సిరీస్ గురించీ, అందులోని బూతు కంటెంట్ గురించీ ప్రత్యేకంగా చెప్పుకోవాలి. కాదు కాదు, ప్రత్యేకంగా తిట్టుకోవాలి. అదే జరుగుతోంది సోషల్ మీడియాలో.

తనకున్న ఫ్యామిలీ ఇమేజ్ మొత్తం డ్యామేజ్ అయిపోయింది ఈ సిరీస్‌తో వెంకటేష్‌కి. అలాగే రానా కూడా. దగ్గుబాటి ఫ్యామిలీ పరువు పోయింది.. ఈ వెబ్ సిరీస్‌లో నటించడం వల్ల అనే అభిప్రాయాలు వస్తున్నాయ్.

అవును నిజమే, మరీ ఇంత కక్కుర్తి ఎందుకు పడ్డారబ్బా.. వెంకీ, రానా. ‘ఛీ.! థూ.!’ అంటూ తిట్టి పోస్తున్నారు ఈ వెబ్ సిరీస్ చూసిన ప్రేక్షకులు. అంత జుగుప్సాకరంగా ఈ సిరీస్‌ మొత్తం అనవసరమైన బూతుతో నిండిపోయింది మరి.