యూఏఈ: షార్జా ప్రైవేట్ ఎడ్యుకేషనల్ అథారిటీ వచ్చే విద్యా సంవత్సరం నుండి 5 శాతం వరకు వార్షిక ట్యూషన్ ఫీజు పెంపును ఆమోదించింది.  ద్రవ్యోల్బణ రేటును అనుసరించి 'యాక్సెటబుల్' కంటే ఎక్కువ రేటింగ్ ఉన్న పాఠశాలలు తమ వార్షిక ట్యూషన్ ఫీజును పెంచడానికి అర్హత కలిగి ఉంటాయని అథారిటీ పేర్కొంది. ఇటీవల, నాలెడ్జ్ అండ్ హ్యూమన్ డెవలప్‌మెంట్ అథారిటీ (KHDA) కూడా ప్రైవేట్ పాఠశాలల్లో ఫీజు పెంపును ఆమోదించింది.కాగా,తనిఖీ రేటింగ్‌ను నిర్వహించే ప్రైవేట్ పాఠశాలలు తమ ఫీజులను మూడు శాతం పెంచడానికి అర్హులు. వార్షిక రేటింగ్‌లలో పడిపోయే పాఠశాలలు ఎటువంటి రుసుము పెంపునకు అర్హులు కావు. ఇటీవలి తనిఖీలలో తమ రేటింగ్‌ను మెరుగుపరుచుకున్న పాఠశాలలు స్కూల్ ఫీజు ఫ్రేమ్‌వర్క్‌లో వివరించిన పద్దతి ప్రకారం తమ ఫీజులను పెంచుకోవడానికి అర్హత పొందుతాయి. ఈ ఫ్రేమ్‌వర్క్ దుబాయ్‌లోని మూడు సంవత్సరాల ఆపరేషన్ పూర్తి చేసిన అన్ని ప్రైవేట్ పాఠశాలలకు వర్తిస్తుంది.

పాఠశాల ఫీజులను పెంచడానికి KHDA  పద్దతి

-మునుపటి సంవత్సరం అదే రేటింగ్‌ను కొనసాగించిన అర్హతగల పాఠశాలలు ట్యూషన్ ఫీజులను 3 శాతం వరకు పెంచడానికి అర్హులు.

- ‘వెరీ వీక్ టూ వీక్’, ‘వీక్ టూ యాక్సెటబుల్’, ‘యాక్సెటబుల్ టూ గుడ్’గా మారిన పాఠశాలలు తమ ఫీజులను 6 శాతం అంటే 3X2 పెంచవచ్చు.

- తమ రేటింగ్‌ను 'గుడ్ నుండి వెరీ గుడ్'కి మెరుగుపరిచిన పాఠశాలలు తమ ట్యూషన్ ఫీజులను 3X1.75 పెంచవచ్చు, అంటే 5.25 శాతం.

- 'వెరీ గుడ్ నుండి అత్యుత్తమ స్థాయికి' రేటింగ్‌లు పెరిగే సంస్థలు ఫీజులను 4.5 శాతం అంటే 3X1.5 పెంచుకోవచ్చు.