యూఏఈ: కమ్యూనిటీ సభ్యులను కించపరిచే లేదా స్థానిక ఆచారాలకు విరుద్ధంగా అసభ్యకరమైన వీడియోలను పోస్ట్ చేయకుండా యూఏఈ పోలీసులు నివాసితులను హెచ్చరించారు.  సోషల్ మీడియాలో వైరలవుతున్న వీడియోలో అసభ్యంగా ప్రవర్తించిన పలువురిని అరెస్టు చేసిన తర్వాత పోలీసులు ఈ హెచ్చరికను జారీ చేశారు. షార్జా పోలీసు అధికారి మాట్లాడుతూ.. వైరలవుతున్న ఒక వివాహ వీడియోను అనుసరించి అధికారులు తొమ్మిది మంది పురుషులు, ఇద్దరు మహిళలను అరెస్టు చేశారని తెలిపారు. ఈ వీడియోలో కొంతమంది వ్యక్తులు అసభ్యకరంగా ప్రవర్తించారని పేర్కొన్నారు. మరోవైపు ఎమిరాటీ సమాజం విలువలను ప్రతిబింబించని ప్రవర్తనకు పాల్పడే వ్యక్తులను అథారిటీ అరెస్టు చేసినట్లు దుబాయ్ పోలీస్ క్రిమినల్ ఇన్వెస్టిగేషన్ డిపార్ట్‌మెంట్ డైరెక్టర్ బ్రిగేడియర్ జమాల్ సలేమ్ అల్ జలాఫ్ తెలిపారు. ఈ రకమైన ప్రవర్తన యూఏఈ చట్టం ప్రకారం శిక్షార్హమైన నేరంగా పరిగణించబడుతుందని అతను పేర్కొన్నారు.

చట్టం ఏం చెబుతుందంటే..

UAE సైబర్ క్రైమ్ చట్టంలోని ఆర్టికల్ 17 ప్రకారం.. ఎవరైనా అశ్లీల విషయాలను లేదా బహిరంగ నైతికత లేదా మంచి ప్రవర్తనకు వ్యతిరేకంగా ఏదైనా మెటీరియల్‌ని ఉత్పత్తి చేసిన లేదా ప్రచురించిన వారికి జైలు శిక్ష మరియు Dh 250,000- Dh500,000 మధ్య జరిమానా కూడా విధించబడుతుందని షార్జాలోని న్యాయవాది సలీమ్ సాహో తెలిపారు.  చట్టం ప్రకారం, మైనర్‌లను (18 ఏళ్లలోపు వ్యక్తి) కలిగి ఉన్న లేదా మైనర్‌లను ప్రలోభపెట్టడానికి ఉద్దేశించిన ఏదైనా కంటెంట్ అపరాధికి కనీసం ఒక సంవత్సరం జైలు శిక్ష విధించబడుతుంది. Dh150,000 - Dh500,000 మధ్య జరిమానా విధించబడుతుంది.  

ఆర్టికల్ 19 ప్రకారం, అసభ్యకరమైన కార్యకలాపాలకు పాల్పడేలా మరొకరిని బలవంతం చేసినందుకు దోషిగా తేలిన వ్యక్తికి ఐదు సంవత్సరాల జైలు శిక్ష, Dh250,000 -Dh1,000,000 మధ్య జరిమానా విధించబడుతుంది.  ఈ కేసులో బహిరంగంగా అసభ్య ప్రవర్తనకు పాల్పడితే ఆరు నెలల వరకు జైలుశిక్ష, 5,000 దిర్హామ్‌ల జరిమానా విధించబడుతుందని సలీమ్ సాహో వివరించారు.