కళ్యాణ్ రామ్ నటించిన ‘బింబిసార’ సినిమా మంచి విజయం అందుకున్న సంగతి తెలిసిందే. కరోనా టైమ్‌లో చిత్రీకరణ జరుపుకున్న ఈ సినిమా ఇటీవలే ప్రేక్షకుల ముందుకొచ్చి విమర్శకుల ప్రశంసలు అందుకోవడంతో పాటూ, బాక్సాఫీస్ వద్ద సూపర్ హిట్‌గా నిలిచింది. కలెక్షన్ల జోరు చూపించింది.

ఈ సినిమాతో డైరెక్టర్‌గా పరిచయమయ్యాడు వశిష్ట. ఆరంభమే బ్లాక్ బస్టర్ కావడంతో, ఈ నయా డైరెక్టర్ అందరి దృష్టినీ ఆకర్షించాడు. కేవలం ఆకర్షించడమే కాదు, తన వద్ద వున్న కథలతో స్టార్ హీరోలను సైతం ఇంప్రెస్ చేస్తున్నాడు.

ఆ క్రమంలోనే మెగా పవర్ స్టార్ రామ్ చరణ్‌కి ఓ కథ వినిపించాడట. తను నెరేట్ చేసిన విధానానికి చరణ్ ఇంప్రెస్ అయ్యాడట. కలిసి పని చేద్దాం అని హామీ ఇచ్చాడట. ప్రస్తుతం తాను చేస్తున్న శంకర్ సినిమా పూర్తి కాగానే, బుచ్చిబాబు సనతో ఓ సినిమా చేయాల్సి వుంది రామ్ చరణ్.

ఒకవేళ జరుగుతున్న ప్రచారమే నిజమైతే, బుచ్చిబాబు సినిమా తర్వాత వశిష్టతో సినిమాకి గ్రీన్ సిగ్నల్ ఇస్తాడేమో చరణ్ చూడాలి మరి.