జీరా అదేనండీ జీలకర్రకు పురాతన చరిత్రే వుంది. పురాతన కాలం నుంచీ ఆయుర్వేద మూలికల్లో జీలకర్రకు ప్రత్యేకమైన స్థానం వుంది.
పరగడుపున జీలకర్ర నీటిని తాగితే, కడుపుబ్బరం, జీర్ణ సంబంధిత సమస్యలు దరి చేరవు. ఎలంటి సైడ్ ఎఫెక్ట్స్ లేని ఆహార పదార్ధం జీలకర్ర. రోగ నిరోధక శక్తిని పెంచడంలో కీలక పాత్ర పోషిస్తుంది. 
అజీర్ణం, విరేచనాలు, వికారాల వంటి అన్‌‌ఈజీ సమస్యల నుంచి ఉపశమనం అందిస్తుంది. బరువు తగ్గడంలోనూ జీలకర్రకు ప్రాధాన్యత వుందండోయ్.
ప్రతీ రోజూ ఖాళీ కడుపుతో జీలకర్ర రసంలో కాస్త నిమ్మ రసం, నల్ల ఉప్పు చేర్చి తాగడం వల్ల అనేక అనారోగ్య సమస్యలు దూరమవుతాయట.
అంతేకాదు, పండగల సమయాల్లో అధిక ఆహారం తీసుకోవడం వల్ల, రాత్రికి కడుపుబ్బరంగా అనిపిస్తుంది. అలా కాకుండా వుండాలంటే, ఆ రోజు ఉదయమే కాస్త జీలకర్ర రసం తీసుకుంటే, అది జీవక్రియను క్రమబద్ధీకరిస్తుంది.