బహ్రెయిన్: వరల్డ్ హ్యాపీనెస్ రిపోర్ట్ ప్రకారం.. 2020 నుండి 2022 వరకు యూఏఈ, సౌదీ అరేబియా, బహ్రెయిన్ సంతోషకరమైన అరబ్ దేశాలుగా నిలిచాయి. కొవిడ్-19 సంక్షోభ సమయాల్లో ‘‘సంతోషం, నమ్మకం ,సామాజిక సంబంధాలు" అనే పేరుతో రూపొందించిన నివేదిక తయారీ కోసం ప్రపంచవ్యాప్తంగా సర్వే నిర్వహించారు. జీవిత మూల్యాంకనాలు, సానుకూల భావోద్వేగాలు, ప్రతికూల భావోద్వేగాలు వంటి పారామీటర్ల ప్రాతిపదికన హ్యాపీనెస్ ర్యాంకింగ్‌లను కేటాయించారు. మొత్తం 137 దేశాలలో సర్వే నిర్వహించగా.. టాప్ అరబ్ దేశాల్లో(మొత్తం 13 అరబ్ దేశాల జాబితా) మొదటి మూడు దేశాలుగా యూఏఈ- 26, సౌదీ అరేబియా -30, బహ్రెయిన్ -42 నిలిచాయి.  ఆర్థిక అస్థిరత  రాజకీయ సంక్షోభంతో బాధపడుతున్న లెబనాన్(అరబ్ దేశాలలో) 137 దేశాలలో చివరి నుంచి రెండవ స్థానంలో నిలిచింది.