ప్రకృతిలో ఎన్నో అందాలు 

ఆకుపచ్చని పైరులు వీచే పిల్లగాలులు
గలగల పారే సెలయేళ్ళు 
చిరుచిరు సవ్వడుల పిల్లకాలువలు 
కూహుకుహు కోకిలమ్మ సరిగమలు 
లేలేత సువాానల మావిచిగుర్లు ...

పచ్చదనంతో కళకళలాడే పల్లెసీమలు
తియ్యనైన పలుకుపలికే రామచిలుకలు 
వీనులవిందైన సంగీతాల సందడులు 
దూసుకొస్తున్న గ్రీష్మ తాపాలు 
మత్తెక్కించే మల్లెల గుభాళింపులు 
పులకింతల విరిజల్లులు...

అలా వస్తావు ఇలా మురిపిస్తావు 
క్రొత్త క్రొత్త ఆశలు ఆశయాలు మోసుకొస్తావు 
నీ ఆగమనంతో అందరిని మైమరపిస్తావు
మదిలో మొదలాయే ఏవో అలజడులు 
నూతన వత్సరంతో చిగురించే నవవసంతం 
ప్రతి ఉదయం ఓ నూతన వసంతం...

గతచేదు సంఘటనలు వీడి వర్తమానము 
చవిచూస్తు భవిష్యత్తు వెలుగులు అందంగా 
నిండు మనసుతో స్వాగతిస్తు  తెలుగు లోగిళ్ళలో 
సందడులు నింపే ప్రతి వసంతం గమ్మత్తైన 
వాసంతం..

--- యామిని కోళ్ళూరు(అబుధాబి)