మెగా పవర్ స్టార్ రామ్ చరణ్, బాలీవుడ్ కండల వీరుడు సల్మాన్ ఖాన్ సినిమాలో గెస్ట్ రోల్ పోషిస్తున్నాడంటూ టాక్ వినిపించిన సంగతి తెలిసిందే. 

అది జస్ట్ టాక్ కాదు. నిజ్జంగా నిజమే. తాజాగా ఓ ప్రోమో కూడా రిలీజ్ చేశారు. ఓ సాంగ్‌లో చరణ్ గెస్ట్‌గా కనిపించబోతున్నాడు. 

విక్టరీ వెంకటేష్, సల్మాన్ ఖాన్ కాంబినేషన్‌లో తెరకెక్కుతోన్న ‘కిసీ కీ భాయ్ కిసీ కీ జాన్’ సినిమా ఈ ఈద్‌కి ప్రేక్షకుల ముందుకు రానున్న సంగతి తెలిసిందే.

ప్యాన్ ఇండియా టార్గెట్‌గా ఈ సినిమాని రిలీజ్ చేస్తున్నారు. ముఖ్యంగా టాలీవుడ్‌పై ఎక్కువ ఫోకస్ పెట్టినట్లు తెలుస్తోంది. 

ఆ నేపథ్యంలోనే ‘బతుకమ్మ బతుకమ్మ..’ పాటను తెలుగు వెర్షన్‌లో తెరకెక్కించారు ఈ సినిమాలో. రీసెంట్‌గా ఈ సాంగ్ ప్రోమోతో షాకిచ్చిన చిత్ర యూనిట్, తాజాగా మరో సాంగ్ ప్రోమో వదిలారు.

ఆ వీడియో సాంగ్‌లోనే సల్మాన్ ఖాన్, చరణ్, వెంకటేష్ ముగ్గురూ లుంగీలు ఎగ్గట్టేసి మాస్ స్టెప్పులు ఇరగదీస్తున్నారు. గతంలో షారూఖ్ ఖాన్ లుంగీ డాన్స్ తరహాలో ఈ సాంగ్ కూడా ఓ ఊపు ఊపేసేలా వుంది.