అమ్మ నేర్పేన అక్షరం నాన్న నేర్పిన ధర్మం

గురువు చూపిన మార్గం మరువకెన్నడు మానవ సర్వం జగన్నాథమయమే జీవితం 

గతమెన్నడు కాదు సత్యమని ఎంచకయ్య గాడి తప్పును జీవితం వీడకయ్య ధర్మం  
భవిష్యత్తు నాదని కనవయ్య కలలెన్నో విడనాడక సత్యం కలుగు నీకు జ్ఞానం 

పరమాత్మ తత్త్వమె నిన్ను పాలించు 
పరంధాముని ధ్యానించు పలుకును నిత్యం
పరమాత్మే సర్వమని పర బ్రహ్మ స్వరూపమే
నేనని నడవు ముందుకు ప్రతి క్షణం 

సర్వశక్తి సంపన్నుడొక్కడే సృష్టి లయ ప్రళయం కారకుడు అతడే అదే ఆత్మరూపం
మనస్సు నియంత్రణతో సత్కార్యములు
జేయుము అహంకార నివృత్తి బడయుము

సత్కర్మలతో మదమాత్సర్యములు తొలుగు
ను సద్గుణములబ్బును సత్శీలుడౌదువు
శీలము కాలము పోయిన సంపాదించలేము
ఐశ్వర్యం కొరకు నిందలు మోయకు

నిత్యమైన సత్యాన్ని ఆలకింపుము 
మంచి మనసుతో కలుగు నీకు భాగ్యము
సత్యమైన వచనాన్ని ఆచరింపు 
మంచి మనసుతో కలుగు నీకు మోక్షము

--జి.రామమోహన నాయుడు (మాజీ సైనికుడు)
మదనపల్లె రచయితల సంఘం,ఆంధ్ర ప్రదేశ్