జెడ్డా : సౌదీ అరేబియాలోని పాఠశాలలకు రమదాన్ (ఈద్ అల్-ఫితర్)సెలవులు ప్రకటించారు.  ఏప్రిల్ 14 నుంచి ఏప్రిల్ 26 వరకు సెలవులు ఉంటాయని విద్యాశాఖ వెల్లడించింది.  బాలురు, బాలికల సాధారణ విద్యా పాఠశాలలతోపాటు అడ్మినిస్ట్రేటివ్, ఎడ్యుకేషనల్ కేడర్‌లకు సెలవులు వర్తిస్తాయని పేర్కొంది. ప్రస్తుత విద్యా సంవత్సరంలో మూడవ, చివరి సెమిస్టర్‌ను పూర్తి చేయడానికి విద్యార్థులు ఏప్రిల్ 26న (12 రోజుల తర్వాత) పాఠశాలకు తిరిగి వస్తారు. మే 28-29 న విద్యార్థులకు ఈ విద్యా సంవత్సరంలో చివరి లాంగ్ వీకెండ్ కానుంది. ఆగస్టు 2022లో ప్రారంభమై 185 పాఠశాల రోజుల పాటు కొనసాగిన 1444 AH విద్యా సంవత్సరం జూన్ 22 (గురువారం) తో ముగుస్తుంది. మరోవైపు, మానవ వనరులు, సామాజిక అభివృద్ధి మంత్రిత్వ శాఖ (MHRSD) ప్రైవేట్ రంగానికి.. లాభాపేక్షలేని రంగానికి ఈద్ అల్-ఫితర్ సెలవుదినాలు ఏప్రిల్ 20 నుంచి 24వ తేదీ వరకు (4 రోజు) గా సెలవులను ప్రకటించింది.