యూఏఈ: గురువారం సాయంత్రం యూఏఈలో నెలవంక కనిపించింది. పవిత్ర రమదాన్ మాసం ముగిసింది. నేడు(శుక్రవారం) దేశవ్యాప్తంగా ఈద్ అల్ ఫితర్ 2023 మొదటి రోజును జరుపుకుంటున్నారు.  ఏప్రిల్ 21ఇస్లామిక్ క్యాలెండర్ నెల షవ్వాల్ మొదటి రోజును కూడా సూచిస్తుంది. యూఏఈలో ఈద్ అల్ ఫితర్ సందర్భంగా నాలుగు రోజులపాటు సెలువులు ప్రకటించారు. ఏప్రిల్ 24న (సోమవారం) ఆఫీసులు, పాఠశాలలు పునఃప్రారంభం అవుతాయి. మొత్తంగా ఈ సంవత్సరం పవిత్ర రమదాన్ మాసం 29 రోజుల పాటు కొనసాగింది.